RICERCA EFFETTUATA SU “GOOGLE LIBRI” DAL LIBRO ” IL VANGELO DI S.MATTEO ” Volgarizzato in Dialetto Napoletano- Londra 1861 – pag. 1 – 9
LO SANTO VANGELIO DE NUOSTO SIGNORE GIESU’ CRISTO SECONNO MATTEO.
CAP. I.nuosto Signore
LIBBRO de la razza de Giesù Cristo figlio de Ddavide, figlio d’ Abbramo.
2 Abbramo- facette Aisacco. Aisacco po facette Giacobbe. Giacobbe po facette Giuda, e li frate de chisto.
3 Giuda po facette Fares, e Zara co Ttamar. Fares po facette Esron. Esron po facette Aram.
4 Aram po facette Aminadab. Aminadab po facette Naasson. Naasson po facette Salmon.
5 Salmon po facette Booz co Rraab. Booz po facette Obbed co Rrutt. Obbed po facette Jesse. Jesse po facette lo rre Ddavide.
6 Lo rre Ddavide po facette, Salamone co cchella, che ffuje mogliera d’Uria.
7 Salamone po facette Robboammo. Robboammo po facette Abbia. Abbia po facette Asa.
8 Asa po facette Giosafatte. Giosafatte po facette Joram. Joram po facette Ozzia.
9 Ozzia po facette Gioatam. Gioatam po facette Acaz. Acaz po facette Ezzechia.
10 Ezzechia po facette Manasse. Manasse po facette Amon. Amon po facette Giosia.
11 Giosia po facette Geconia, e li frate de chisto a lo tiempo de lo passaggio mBabbilonia.
12 E ddoppo lo passaggio mBabbilonia : Geconia facette Salatiel. Salatiel po facette Zorobabbele.
13 Zorobabbele po facette Abbiud. Abbiud po facette Eliacim. Eliacim po facette Azzor.
14 Azzor po facette Sadoc. Sadoc po facette Achim. Achim po facette Eliud.
15 Eliud po facette Eliazzaro. Eliazzaro po facette Matan. Matan po facette Giacobbe.
16 Giacobbe po facette Giuseppe lo sposo de Maria, da la quale nascette Giesù, che se chiamma Cristo.
17 Donca tutte le nnascete so quattuordece da Abbramo pe nzi a Ddavide: quattuordece da Ddavide pe nzi a lo passaggio mBabbilonia : e quattuordece da lo passaggio mBabbilonia pe nzi a Ccristo.
18 La nasceta po de Cristo fuje accossi: Ca essenno Maria mamma d’isso sposata co Giuseppe, nnante che s’aunessero, se trovaje prena de lo Spireto ssanto.
19 Giuseppe po lo marito d’essa, pecchè era ommo da bbene, e nnon la voleva sbriognà, penzaje de mannarnela annascuso.
20 Ma mentre jeva penzanno a ste ccose, eccote ca l’angiolo de lo Signore le comparette nzuonno, e lle dicette : Giusè figlio de Ddavide, n’avè appaura depigliarte Maria la mogliera toja : pocca chello, che sta ncuorpo a essa, è dde lo Spireto ssanto.
21 Essa sgravarrà de no figlio ; e ttu miettele nomme Giesù: pocca isso sarvarrà lo popolo sujo da li peccate lloro.
22 Tutto chesto po succedette, azzò se trovasse vero chello, ch’era stato ditto da lo Signore pe vvocca de lo profeta, che ddice :
23 Ecco ca na vergene esciarrà prena, e ffarrà no figlio: e lle mettarranno nomme Mmanuele, che vvene a ddicere : Ddio co nnuje.
24 Scetatose po Giuseppe da lo suonno, facette chello, che ll’aveva commannato ll’angiolo de lo Signore, e sse pigliaje la mogliera soja.
25 E nnon ce teneva canoscenzia pe nzi a quanno essa figliaje lo figlio sujo, ch’era lo primmogeneto : e lle mettette nomme Giesù.
CAP. II.
ESSENNO addonca nato Giesù mBettelemme de Giuda a li juorne de lo rre Erode, eccote ca li Magge da lo levante venettero nGierusalemme,
2 Dicenno : Addò sta lo rre de li Giudeje, ch’è nnato? pocca avimmo vista la stella soja a lo levante, e ssimmo venute pe ll’adorà.
3 Lo rre Erode nninche sentette ste eeose, se ngro¬gnaje, e nzieme co isso tutta Gierusalemme.
4 E aunite tutte li cape de li sagiardote, e li Scribbe de lo popolo, ll’addimmannaje, addò aveva da nascere Cristo.
5 Ma chille le responnettero: mBettelemme de Giuda. Pecchè accossì è stato scritto da lo profeta:
6 E ttu Bettelemme paese de Giuda, non si la cchiù ppeccerella tra li cape de Giuda: pecchè da te esciarrà lo capitanio, che ggovernarrà lo popolo mio de Strae1e.
7 Tanno Erode, chiammatese li Magge nzecreto, se nfrommaje da lloro buono e mmeglio, da quanto tiempo era comparza a lloro la stella :
8 E mmannannole mBettelemme, dicette: Jate, e addimmarinate, lo mmeglio, che ppotite de lo peccerillo: e quanno ll’arite asciato, facitemmello assapè, azzó che io pure vaco a adorarelo.
9 Chille doppo che ssentettero le pparole de lo rre, se niie jettero. E tteccote ca la stella, ch’avevano vista a lo levante, jeva nnante a lloro, pe nfi ch’arrevata a lo pizzo, addò steva lo bammino, se fremmaje. –
10 Vedenno po la stella n’avettero no piacere granne assaje.
11 E ttrasenno dinto a la casa, trovajeno lo bammino co Mmaria la mamma soja, e gghiettannose de faccia nterra ll’adorajeno: e aprenno li tresore Iloro le rialajeno oro, ncienzo, e mmirra.
12 E essenno state avisate uzuonno de non tornà a Erode, se nne tornajene pe nn’auta strata a lo paese lloro.
13 Nninche s’erano scostate, teccote ll’angiolo de lo Signore comparette nzuonno a Giuseppe, dicenno: Susete, e ppiglia lo bammino, e la mamma soja, e ffujetenne a Eggitto, e statte llà pe nfi ca non te lo ddiciarraggio. Pecché Erode jarrà cercanno lo bammino pe ffarlo mori.
14 Isso se susette, pigliaje lo bammino, e la mamma soja de notte tiempo, e sse nne jette a ll’Eggitto.
15 E llà se steva pe nfi a la morte d’Erode: azzò succedesse chello, ch’era stato ditto da lo Signore pe vvocca de lo profeta, che ddice: Da ll’Eggitto aggio chiammato lo figlio mio.
16 Tanno Erode vedenno, ca era stato cuffiato da li Magge, se pigliaje collera assaje, e mmannaje accidenno tutte li peccerille, che stevano mBettelemme, e ddinto a ttutte li tenemiente suoje, da duje anne nzotto, a tenore de lo tiempo, ch’aveva saputo da li Magge.
17 Tanno succedette chello, ch’era stato ditto da lo profeta Geremia, che ddice :
18 Na voce s’è ssentuta a Rrama, e cchiante e strille assaje: Rachela, che cchiagne li figlie suoje, e nnon à voluto avè conzuolo, pecchè non campano cchiù.
19 Quanno morette Erode, eccote ll’angiolo de lo Signore comparette nzuonno a Giuseppe a Eggitto,
20 Dicenno: Susete, e ppiglia lo bammino, e la mamma soia, e vvattenne a la terra de Straele : pecché so mmuorte chille, che vvoleveno la vita de lo bammino.
21 Isso se scetaje, pigliaje lo bammino, e la mamma soja, e gghiette a la terra de Straele.
22 Ma comme sentette, ca nGiudea regnava Archelao mmece d’Erode lo patre sujo, avette paura de ji llà: e avisato nzuonno, se nne jette lontano da le pparte de la Galilea.
23 E arrevanno mettette casa dint’a la cetà, che se chiamma Nazzarette: azzò succedesse chello, ch’era stato ditto da li profete: Ca se chianlmarrà Nazzareno.
CAP. III.
ACCHILLE tiempe venette Giovanne Battista predecanno dinto a lo desierto de la Giudea,
2 E ddicenno: Facite penitenzia: pecché s’é accostato lo regno de lo cielo.
3 Pecchè chisto è cchillo, che ffuje ditto da Isaia profeta, che ddiceva: Na voce allucca dinto a lo desierto: Apparicchiate la via de lo Signore: acchianate le strate soje.
4 Ora sto Giovanne teneva no vestito de pile de camelo, e na cinta de pelle a li scianche: lo mmagnà sujo erano ll’arille, e lo mmele sarvateco.
5 Tanno se nne jeva addò isso Gierusalemme, e ttutta la Giudea, e ttutte li paise, che stanno attuorno a lo Giordano ;
6 E erano vattiate da isso dint’a lo Giordano, confessannose de li peccate lloro.
7 Vedenno po assaje de li Fariseje, e dde li Sadduceje, che vveneveno a lo vattisemo sujo, lle dicette : Razza de vipere, chi v’à mparato a ffuì da la collera, che vv’à dda veni ncuollo?
8 Donca facite frutte buone de penitenzia.
9 E nnon dicite nfra vuje e vvuje: Tenimmo Abbramo pe ppatre: Pecchè io ve dico, ca Ddio pò fà asci da ste pprete li figlie d’Abbramo.
10 Già l’accetta sta nfaccia a le rràdeche de ll’arbere. Addonca ogne arbero, che non fa buono frutto, sarrà tagliato, e gghiettato dinto a lo ffuoco.
11 Io ve vattejo co ll’acqua pe la penitenzia: ma chi venarrà doppo de me, è cchiù fforte de me, e io non songo buono manco a pportarle appriesso le scarpe: isso ve vattiarrà co lo Spireto ssanto, e eco lo ffuoco.
12 Isso tene la pala mmano: e annettarrà tutta ll’aria soja : e aunarrà tutto lo ggrano dinto a lo magazzeno: ma la paglia l’abbrusciarrà co no fuoco, che nnon se stuta maje.
13 Tanno Giesù arrevaje da la Galilea a lo Giordano, e gghiette addò Giuvanne, p’essere vattiato da isso.
14 Ma Giovanne non voleva, dicenno:lo aggio a essere vattiato da te, e ttu te nne viene addò me ?
15 Ma Giesù responnenno, le dicette: Lassame fà mo: pecché nuje avimm’a fà tutta la justizia. Allora lo lassaje fà.
16 Vattiato che ffuje Giesù, subbeto se nne sagliette da dine a ll’acqua. E eccote ca s’arapette lo cielo: e vvedette lo Spireto de Ddio, che scenneva comme a no palummo, e cche vveneva ncoppa a isso.
17 E eccote na voce da lo cielo, che ddicette: Chisto è lo figlio mio carito, de chisto me songo priato propio assaje.
[… ]CAP. IV. pag. 9
Ricerca a cura del Prof.Renato Rinaldi